مزهرية
المساهمات : 151
تاريخ التسجيل : 10/11/2007
العمر : 39
 |  موضوع: الديرة المهجورة  الإثنين نوفمبر 26, 2007 7:04 pm | |
| السلام عليكم ورحمة الله وبركته
| يالله المعبود وانت اللـي بجرحـي داري لو كتمته عن جميع النـاس فالمعمـوره
| لاتضيقهـا علـي ولا تبيـح اسـراري عقب في صدري غيابه هد كـل طيـوره
| والعنا درب عليه مـن البدايـه ضـاري والشقا منـه المنـاوي كلهـا منحـوره
| طول عمري مع هواجيس التشتت ساري والفكر مشغول من ظلم الزمان وجـوره
| والغلا اللي كنسل الراحة وولـع نـاري ما توقعته على نفسـي تويـق سبـوره
| يوم غاب اللي هويته وابتـدا مشـواري وانعطب قلبي وحظـي عـاودن عثـوره
| باعني وانا بروحي له محـب وشـاري ما درى اني لو يطول الوقت بي ما ابوره
| علموه ان كان ينشد عن جميع اخبـاري بان صدري من بعاده ديـرة مهجـوره
| يا حبيبي حالتي عقبك تسـوء اجبـاري وكنت لامنك طريت اقول : ذي معـذوره
| وكنت اسافربك واسخرلك جميع اسفاري كنت اسجك بالقدم ليل غشـى ديجـوره
| كنت اصبحبك زمـان منـه ادور ثـاري كنت اعنلك العزايم واعلن اسمك ثـوره
| كنت اشمك في حدايق حلمي وفازهـاري كنت احسك قبل لا يثمر غـلاي بـذوره
| كنت اقيمك وزن لافكاري وفيض انهاري كنت ازينبك لحن شعري بكـل بحـوره
| كنت اخطك في دفاتر خربشات افكـاري كنت احطك في سطوري جملـة منثـوره
| كنت اواطن فيك واشعربك غلاي وداري كنت اجبّر بك عراقيل العمـر وكسـوره
| كنت اذرك ملح في عين الحسود الزاري كنت انامك لين صبح الخوف يبدي نوره
| كنت اغنيبك على غصن المحبة طـاري كنت اسولفبك على قلبي ونبض شعـوره
| كنت احبك حب ما حبـه محـبٍ غـاري كنت ازينبك ربوع الصدر يا احلا صوره
| كنت ابكّي لاجل رغباتك عيون اعـذاري كنت ارى انك بسمة العمر وبشاير نوره
| لا يطول غيابك القاتل تبيـح اسـراري وتعجز تبني ركـام الديـرة المهجـوره
|
| |
|
الدوسري
المساهمات : 98
تاريخ التسجيل : 20/11/2007
| | موضوع: رد: الديرة المهجورة الثلاثاء نوفمبر 27, 2007 5:12 pm | |
| كنت احطك في سطوري جملـة منثـوره | كنت اواطن فيك واشعربك غلاي وداري |
مزهرية مشكوره ع الموضوع الرائع
يعطيج الف عافيه
تسلميييين
تحياتي | |
|
مزهرية
المساهمات : 151
تاريخ التسجيل : 10/11/2007
العمر : 39
| | موضوع: رد: الديرة المهجورة الثلاثاء ديسمبر 04, 2007 5:53 pm | |
| يسلمك ربي انشالله ينال على اعجابكم نورت اخوي | |
|
